وہ بے وفا ہے ہمیشہ ہی دل دکھاتا ہے

وہ بے وفا ہے ہمیشہ ہی دل دکھاتا ہے

مگر ہمیں تو وہی ایک شخص بھاتا ہے

نہ خوش گمان ہو اس پر تو اے دل سادہ

سبھی کو دیکھ کے وہ شوخ مسکراتا ہے

جگہ جو دل میں نہیں ہے مرے لیے نہ سہی

مگر یہ کیا کہ بھری بزم سے اٹھاتا ہے

ترے کرم کی یہی یادگار باقی ہے

یہ ایک داغ جو اس دل میں جگمگاتا ہے

عجیب چیز ہے یہ وقت جس کو کہتے ہیں

کہ آنے پاتا نہیں اور بیت جاتا ہے

wo be wafa hai hamesha hi dil dikhata hai

magar hamen to wahi ek shakhs bhata hai

na khush guman ho us par to ai dil-e-sada

sabhi ko dekh ke wo shokh muskurata hai

jagah jo dil mein nahin hai mire liye na sahi

magar ye kya ke bhari bazm se uthata hai

tire karam ki yahi yadgar baqi hai

ye ek dagh jo is dil mein jagmagata hai

ajib chiz hai ye waqt jis ko kahte hain

ke ane pata nahin aur bit jata hai