Arooz is now on the App Store, for iPhone and iPad. Download →

All poetry

آہٹ جو سنائی دی ہے ہجر کی شب کی ہے

Shahryar (1936–2012)

آہٹ جو سنائی دی ہے ہجر کی شب کی ہے

یہ رائے اکیلی میری نہیں ہے سب کی ہے

سنسان سڑک سناٹے اور لمبے سائے

یہ ساری فضا اے دل تیرے مطلب کی ہے

تری دید سے آنکھیں جی بھر کے سیراب ہوئیں

کس روز ہوا تھا ایسا بات یہ کب کی ہے

تجھے بھول گیا کبھی یاد نہیں کرتا تجھ کو

جو بات بہت پہلے کرنی تھی اب کی ہے

مرے سورج آ! مرے جسم پہ اپنا سایہ کر

بڑی تیز ہوا ہے سردی آج غضب کی ہے