کہاں تک وقت کے دریا کو ہم ٹھہرا ہوا دیکھیں

کہاں تک وقت کے دریا کو ہم ٹھہرا ہوا دیکھیں

یہ حسرت ہے کہ ان آنکھوں سے کچھ ہوتا ہوا دیکھیں

بہت مدت ہوئی یہ آرزو کرتے ہوئے ہم کو

کبھی منظر کہیں ہم کوئی ان دیکھا ہوا دیکھیں

سکوت شام سے پہلے کی منزل سخت ہوتی ہے

کہو لوگوں سے سورج کو نہ یوں ڈھلتا ہوا دیکھیں

ہوائیں بادباں کھولیں لہو آثار بارش ہو

زمین سخت تجھ کو پھولتا پھلتا ہوا دیکھیں

دھوئیں کے بادلوں میں چھپ گئے اجلے مکاں سارے

یہ چاہا تھا کہ منظر شہر کا بدلا ہوا دیکھیں

ہماری بے حسی پہ رونے والا بھی نہیں کوئی

چلو جلدی چلو پھر شہر کو جلتا ہوا دیکھیں

kahan tak waqt ke dariya ko ham thahra hua dekhen

ye hasrat hai ke in ankhon se kuchh hota hua dekhen

bahut muddat hui ye arzu karte hue ham ko

kabhi manzar kahin ham koi an dekha hua dekhen

sukut-e-sham se pahle ki manzil sakht hoti hai

kaho logon se suraj ko na yun dhalta hua dekhen

hawaen badban kholen lahu asar-e-barish ho

zamin-e-sakht tujh ko phulta phalta hua dekhen

dhuen ke badalon mein chhup gae ujle makan sare

ye chaha tha ke manzar shahr ka badla hua dekhen

hamari be hissi pe rone wala bhi nahin koi

chalo jaldi chalo phir shahr ko jalta hua dekhen