دل میں اترے گی تو پوچھے گی جنوں کتنا ہے

دل میں اترے گی تو پوچھے گی جنوں کتنا ہے

نوک خنجر ہی بتائے گی کہ خوں کتنا ہے

آندھیاں آئیں تو سب لوگوں کو معلوم ہوا

پرچم خواب زمانے میں نگوں کتنا ہے

جمع کرتے رہے جو اپنے کو ذرہ ذرہ

وہ یہ کیا جانیں بکھرنے میں سکوں کتنا ہے

وہ جو پیاسے تھے سمندر سے بھی پیاسے لوٹے

ان سے پوچھو کہ سرابوں میں فسوں کتنا ہے

ایک ہی مٹی سے ہم دونوں بنے ہیں لیکن

تجھ میں اور مجھ میں مگر فاصلہ یوں کتنا ہے

dil mein utregi to puchhegi junun kitna hai

nok-e-khanjar hi bataegi ke khun kitna hai

andhiyan aen to sab logon ko maalum hua

parcham-e-khwab zamane mein nigun kitna hai

jama karte rahe jo apne ko zarra zarra

wo ye kya janen bikharne mein sukun kitna hai

wo jo pyase the samundar se bhi pyase laute

un se puchho ke sarabon mein fusun kitna hai

ek hi mitti se ham donon bane hain lekin

tujh mein aur mujh mein magar fasla yun kitna hai