پہلے نہائی اوس میں پھر آنسوؤں میں رات

پہلے نہائی اوس میں پھر آنسوؤں میں رات

یوں بوند بوند اتری ہمارے گھروں میں رات

کچھ بھی دکھائی دیتا نہیں دور دور تک

چبھتی ہے سوئیوں کی طرح جب رگوں میں رات

وہ کھردری چٹانیں وہ دریا وہ آبشار

سب کچھ سمیٹ لے گئی اپنے پروں میں رات

آنکھوں کو سب کی نیند بھی دی خواب بھی دیے

ہم کو شمار کرتی رہی دشمنوں میں رات

بے سمت منزلوں نے بلایا ہے پھر ہمیں

سناٹے پھر بچھانے لگی راستوں میں رات

pahle nahai os mein phir ansuon mein rat

yun bund bund utri hamare gharon mein rat

kuchh bhi dikhai deta nahin dur dur tak

chubhti hai suiyon ki tarah jab ragon mein rat

wo khurdari chatanen wo dariya wo abshar

sab kuchh samet le gai apne paron mein rat

ankhon ko sab ki nind bhi di khwab bhi diye

ham ko shumar karti rahi dushmanon mein rat

be samt manzilon ne bulaya hai phir hamen

sannate phir bichhane lagi raston mein rat