امید سے کم چشم خریدار میں آئے

امید سے کم چشم خریدار میں آئے

ہم لوگ ذرا دیر سے بازار میں آئے

سچ خود سے بھی یہ لوگ نہیں بولنے والے

اے اہل جنوں تم یہاں بے کار میں آئے

یہ آگ ہوس کی ہے جھلس دے گی اسے بھی

سورج سے کہو سایۂ دیوار میں آئے

بڑھتی ہی چلی جاتی ہے تنہائی ہماری

کیا سوچ کے ہم وادئ انکار میں آئے

ummid se kam chashm kharidar mein ae

ham log zara der se bazar mein ae

sach khud se bhi ye log nahin bolne wale

ai ahl-e-junun tum yahan be kar mein ae

ye ag hawas ki hai jhulas degi use bhi

suraj se kaho saya-e-diwar mein ae

barhti hi chali jati hai tanhai hamari

kya soch ke ham wadi-e-inkar mein ae