تیرے وعدے کو کبھی جھوٹ نہیں سمجھوں گا

تیرے وعدے کو کبھی جھوٹ نہیں سمجھوں گا

آج کی رات بھی دروازہ کھلا رکھوں گا

دیکھنے کے لیے اک چہرہ بہت ہوتا ہے

آنکھ جب تک ہے تجھے صرف تجھے دیکھوں گا

میری تنہائی کی رسوائی کی منزل آئی

وصل کے لمحے سے میں ہجر کی شب بدلوں گا

شام ہوتے ہی کھلی سڑکوں کی یاد آتی ہے

سوچتا روز ہوں میں گھر سے نہیں نکلوں گا

تاکہ محفوظ رہے میرے قلم کی حرمت

سچ مجھے لکھنا ہے میں حسن کو سچ لکھوں گا

tere waade ko kabhi jhut nahin samjhunga

aj ki rat bhi darwaza khula rakhunga

dekhne ke liye ik chehra bahut hota hai

ankh jab tak hai tujhe sirf tujhe dekhunga

meri tanhai ki ruswai ki manzil ai

wasl ke lamhe se main hijr ki shab badlunga

sham hote hi khuli sarkon ki yad ati hai

sochta roz hun main ghar se nahin niklunga

take mahfuz rahe mere qalam ki hurmat

sach mujhe likhna hai main husn ko sach likhunga