جاگتا ہوں میں ایک اکیلا دنیا سوتی ہے

جاگتا ہوں میں ایک اکیلا دنیا سوتی ہے

کتنی وحشت ہجر کی لمبی رات میں ہوتی ہے

یادوں کے سیلاب میں جس دم میں گھر جاتا ہوں

دل دیوار ادھر جانے کی خواہش ہوتی ہے

خواب دیکھنے کی حسرت میں تنہائی میری

آنکھوں کی بنجر دھرتی میں نیندیں بوتی ہے

خود کو تسلی دینا کتنا مشکل ہوتا ہے

کوئی قیمتی چیز اچانک جب بھی کھوتی ہے

عمر سفر جاری ہے بس یہ کھیل دیکھنے کو

روح بدن کا بوجھ کہاں تک کب تک ڈھوتی ہے

jagta hun main ek akela duniya soti hai

kitni wahshat hijr ki lambi rat mein hoti hai

yadon ke sailab mein jis dam mein ghar jata hun

dil diwar idhar jane ki khwahish hoti hai

khwab dekhne ki hasrat mein tanhai meri

ankhon ki banjar dharti mein ninden boti hai

khud ko tasalli dena kitna mushkil hota hai

koi qimti chiz achanak jab bhi khoti hai

umr safar jari hai bas ye khel dekhne ko

ruh badan ka bojh kahan tak kab tak dhoti hai