کس کس طرح سے مجھ کو نہ رسوا کیا گیا

کس کس طرح سے مجھ کو نہ رسوا کیا گیا

غیروں کا نام میرے لہو سے لکھا گیا

نکلا تھا میں صدائے جرس کی تلاش میں

دھوکے سے اس سکوت کے صحرا میں آ گیا

کیوں آج اس کا ذکر مجھے خوش نہ کر سکا

کیوں آج اس کا نام مرا دل دکھا گیا

میں جسم کے حصار میں محصور ہوں ابھی

وہ روح کی حدوں سے بھی آگے چلا گیا

اس حادثے کو سن کے کرے گا یقیں کوئی

سورج کو ایک جھونکا ہوا کا بجھا گیا

kis kis tarah se mujh ko na ruswa kiya gaya

ghairon ka nam mere lahu se likha gaya

nikla tha main sada-e-jaras ki talash mein

dhoke se is sukut ke sahra mein a gaya

kyun aj us ka zikr mujhe khush na kar saka

kyun aj us ka nam mira dil dikha gaya

main jism ke hisar mein mahsur hun abhi

wo ruh ki hadon se bhi age chala gaya

is hadse ko sun ke karega yaqin koi

suraj ko ek jhonka hawa ka bujha gaya