یہ کیا ہے محبت میں تو ایسا نہیں ہوتا

یہ کیا ہے محبت میں تو ایسا نہیں ہوتا

میں تجھ سے جدا ہو کے بھی تنہا نہیں ہوتا

اس موڑ سے آگے بھی کوئی موڑ ہے ورنہ

یوں میرے لیے تو کبھی ٹھہرا نہیں ہوتا

کیوں میرا مقدر ہے اجالوں کی سیاہی

کیوں رات کے ڈھلنے پہ سویرا نہیں ہوتا

یا اتنی نہ تبدیل ہوئی ہوتی یہ دنیا

یا میں نے اسے خواب میں دیکھا نہیں ہوتا

سنتے ہیں سبھی غور سے آواز جرس کو

منزل کی طرف کوئی روانہ نہیں ہوتا

دل ترک تعلق پہ بھی آمادہ نہیں ہے

اور حق بھی ادا اس سے وفا کا نہیں ہوتا

ye kya hai mohabbat mein to aisa nahin hota

main tujh se juda ho ke bhi tanha nahin hota

is mor se age bhi koi mor hai warna

yun mere liye to kabhi thahra nahin hota

kyun mera muqaddar hai ujalon ki siyahi

kyun rat ke dhalne pe sawera nahin hota

ya itni na tabdil hui hoti ye duniya

ya main ne use khwab mein dekha nahin hota

sunte hain sabhi ghaur se awaz-e-jaras ko

manzil ki taraf koi rawana nahin hota

dil tark-e-taalluq pe bhi amada nahin hai

aur haq bhi ada us se wafa ka nahin hota