شدید پیاس تھی پھر بھی چھوا نہ پانی کو

شدید پیاس تھی پھر بھی چھوا نہ پانی کو

میں دیکھتا رہا دریا تری روانی کو

سیاہ رات نے بے حال کر دیا مجھ کو

کہ طول دے نہیں پایا کسی کہانی کو

بجائے میرے کسی اور کا تقرر ہو

قبول جو کرے خوابوں کی پاسبانی کو

اماں کی جا مجھے اے شہر تو نے دی تو ہے

بھلا نہ پاؤں گا صحرا کی بیکرانی کو

جو چاہتا ہے کہ اقبال ہو سوا تیرا

تو سب میں بانٹ برابر سے شادمانی کو

shadid pyas thi phir bhi chhua na pani ko

main dekhta raha dariya tiri rawani ko

siyah rat ne be hal kar diya mujh ko

ke tul de nahin paya kisi kahani ko

bajae mere kisi aur ka taqarrur ho

qubul jo kare khwabon ki pasbani ko

aman ki ja mujhe ai shahr tu ne di to hai

bhala na paunga sahra ki bekarani ko

jo chahta hai ke iqbal ho siwa tera

to sab mein bant barabar se shadmani ko