سیاہ رات نہیں لیتی نام ڈھلنے کا

سیاہ رات نہیں لیتی نام ڈھلنے کا

یہی تو وقت ہے سورج ترے نکلنے کا

یہاں سے گزرے ہیں گزریں گے ہم سے اہل وفا

یہ راستہ نہیں پرچھائیوں کے چلنے کا

کہیں نہ سب کو سمندر بہا کے لے جائے

یہ کھیل ختم کرو کشتیاں بدلنے کا

بگڑ گیا جو یہ نقشہ ہوس کے ہاتھوں سے

تو پھر کسی کے سنبھالے نہیں سنبھلنے کا

زمیں نے کر لیا کیا تیرگی سے سمجھوتا

خیال چھوڑ چکے کیا چراغ جلنے کا

siyah rat nahin leti nam dhalne ka

yahi to waqt hai suraj tire nikalne ka

yahan se guzre hain guzrenge ham se ahl-e-wafa

ye rasta nahin parchhaiyon ke chalne ka

kahin na sab ko samundar baha ke le jae

ye khel khatm karo kashtiyan badalne ka

bigar gaya jo ye naqsha hawas ke hathon se

to phir kisi ke sambhale nahin sambhalne ka

zamin ne kar liya kya tirgi se samjhota

khayal chhor chuke kya charagh jalne ka