نظر جو کوئی بھی تجھ سا حسیں نہیں آتا

نظر جو کوئی بھی تجھ سا حسیں نہیں آتا

کسی کو کیا مجھے خود بھی یقیں نہیں آتا

ترا خیال بھی تیری طرح ستم گر ہے

جہاں پہ چاہئے آنا وہیں نہیں آتا

جو ہونے والا ہے اب اس کی فکر کیا کیجے

جو ہو چکا ہے اسی پر یقیں نہیں آتا

یہ میرا دل ہے کہ منظر اجاڑ بستی کا

کھلے ہوئے ہیں سبھی در مکیں نہیں آتا

بچھڑنا ہے تو بچھڑ جا اسی دوراہے پر

کہ موڑ آگے سفر میں کہیں نہیں آتا

nazar jo koi bhi tujh sa hasin nahin ata

kisi ko kya mujhe khud bhi yaqin nahin ata

tira khayal bhi teri tarah sitam gar hai

jahan pe chahiye ana wahin nahin ata

jo hone wala hai ab us ki fikr kya kije

jo ho chuka hai usi par yaqin nahin ata

ye mera dil hai ke manzar ujar basti ka

khule hue hain sabhi dar makin nahin ata

bichharna hai to bichhar ja isi dorahe par

ke mor age safar mein kahin nahin ata