جو چاہتی دنیا ہے وہ مجھ سے نہیں ہوگا

جو چاہتی دنیا ہے وہ مجھ سے نہیں ہوگا

سمجھوتا کوئی خواب کے بدلے نہیں ہوگا

اب رات کی دیوار کو ڈھانا ہے ضروری

یہ کام مگر مجھ سے اکیلے نہیں ہوگا

خوش فہمی ابھی تک تھی یہی کار جنوں میں

جو میں نہیں کر پایا کسی سے نہیں ہوگا

تدبیر نئی سوچ کوئی اے دل سادہ

مائل بہ کرم تجھ پہ وہ ایسے نہیں ہوگا

بے نام سے اک خوف سے دل کیوں ہے پریشاں

جب طے ہے کہ کچھ وقت سے پہلے نہیں ہوگا

jo chahti duniya hai wo mujh se nahin hoga

samjhota koi khwab ke badle nahin hoga

ab rat ki diwar ko dhana hai zaruri

ye kam magar mujh se akele nahin hoga

khush fahmi abhi tak thi yahi kar-e-junun mein

jo main nahin kar paya kisi se nahin hoga

tadbir nai soch koi ai dil-e-sada

mail ba karam tujh pe wo aise nahin hoga

be nam se ik khauf se dil kyun hai pareshan

jab tai hai ke kuchh waqt se pahle nahin hoga