جستجو جس کی تھی اس کو تو نہ پایا ہم نے

جستجو جس کی تھی اس کو تو نہ پایا ہم نے

اس بہانے سے مگر دیکھ لی دنیا ہم نے

سب کا احوال وہی ہے جو ہمارا ہے آج

یہ الگ بات کہ شکوہ کیا تنہا ہم نے

خود پشیمان ہوئے نے اسے شرمندہ کیا

عشق کی وضع کو کیا خوب نبھایا ہم نے

کون سا قہر یہ آنکھوں پہ ہوا ہے نازل

ایک مدت سے کوئی خواب نہ دیکھا ہم نے

عمر بھر سچ ہی کہا سچ کے سوا کچھ نہ کہا

اجر کیا اس کا ملے گا یہ نہ سوچا ہم نے

justuju jis ki thi us ko to na paya ham ne

is bahane se magar dekh li duniya ham ne

sab ka ahwal wahi hai jo hamara hai aj

ye alag bat ke shikwa kiya tanha ham ne

khud pasheman hue ne use sharminda kiya

ishq ki waza ko kya khub nibhaya ham ne

kaun sa qahr ye ankhon pe hua hai nazil

ek muddat se koi khwab na dekha ham ne

umr bhar sach hi kaha sach ke siwa kuchh na kaha

ajr kya us ka milega ye na socha ham ne