سینے میں جلن آنکھوں میں طوفان سا کیوں ہے

سینے میں جلن آنکھوں میں طوفان سا کیوں ہے

اس شہر میں ہر شخص پریشان سا کیوں ہے

دل ہے تو دھڑکنے کا بہانہ کوئی ڈھونڈے

پتھر کی طرح بے حس و بے جان سا کیوں ہے

تنہائی کی یہ کون سی منزل ہے رفیقو

تا حد نظر ایک بیابان سا کیوں ہے

ہم نے تو کوئی بات نکالی نہیں غم کی

وہ زود پشیمان پشیمان سا کیوں ہے

کیا کوئی نئی بات نظر آتی ہے ہم میں

آئینہ ہمیں دیکھ کے حیران سا کیوں ہے

sine mein jalan ankhon mein tufan sa kyun hai

is shahr mein har shakhs pareshan sa kyun hai

dil hai to dharakne ka bahana koi dhunde

patthar ki tarah be his-o-be jan sa kyun hai

tanhai ki ye kaun si manzil hai rafiqo

ta had-e-nazar ek bayaban sa kyun hai

ham ne to koi bat nikali nahin gham ki

wo zud pasheman pasheman sa kyun hai

kya koi nai bat nazar ati hai ham mein

aina hamen dekh ke hairan sa kyun hai