آدمی تھا کیا وہی اک کام کا

آدمی تھا کیا وہی اک کام کا

ارض پر جس کا کوئی مسکن نہ تھا

جو کسی نے پیرہن مجھ کو دیا

وہ مرے ہی تن کا حصہ بن گیا

ہم تھے جڑواں اس لئے تن ایک تھا

ایک سرجن نے الگ ہم کو کیا

جل میں جب تک میں رہا زندہ رہا

تٹ پہ ساگر کے میں آ کر مر گیا

جب کبھی میں سوچنے کچھ لگ پڑا

دور تک پھر سلسلہ چلتا رہا

میں زمیں پر اک طرح کا بوجھ تھا

وہ تو ماں تھی اس کو یہ سہنا پڑا

وجد میں آتا کبھی تو پیڑ کی

ٹہنیوں پر چڑھ کے اکثر جھولتا

تھا میں سالک اک انوکھا دہر میں

جو بھی مسلک مل گیا میں چل پڑا

عالم جبروت کا ساکن تھا میں

عالم سفلی میں کیسے آ گیا

حادثے کو روکنا تھا اس لئے

راستے پر ہو گیا جا کر کھڑا

بند کرتے تھے کبھی تھے کھولتے

روپ دروازے کا مجھ کو کیا ملا

لیٹ جاتا پیٹھ کے بل فرش پر

دیکھ لیتا جب بھی آتے میں قضا

جو سماوی تھے قمر پر جا بسے

میں تھا خاکی دہر میں ہی رہ گیا

مجھ کو دینا تھا فگارؔ ان کا جواب

چٹھیوں کا سامنے انبار تھا

admi tha kya wahi ik kam ka

arz par jis ka koi maskan na tha

jo kisi ne pairahan mujh ko diya

wo mire hi tan ka hissa ban gaya

ham the jurwan is liye tan ek tha

ek sarjan ne alag ham ko kiya

jal mein jab tak main raha zinda raha

tat pe sagar ke main a kar mar gaya

jab kabhi main sochne kuchh lag para

dur tak phir silsila chalta raha

main zamin par ik tarah ka bojh tha

wo to man thi us ko ye sahna para

wajd mein ata kabhi to per ki

tahniyon par charh ke aksar jhulta

tha main salik ik anokha dahr mein

jo bhi maslak mil gaya main chal para

alam-e-jabrut ka sakin tha main

alam-e-sifli mein kaise a gaya

hadse ko rokna tha is liye

raste par ho gaya ja kar khara

band karte the kabhi the kholte

rup darwaze ka mujh ko kya mila

let jata pith ke bal farsh par

dekh leta jab bhi ate mein qaza

jo samawi the qamar par ja base

main tha khaki dahr mein hi rah gaya

mujh ko dena tha figar un ka jawab

chitthiyon ka samne ambar tha