اپنے ہی آس پاس ہوں میں

اپنے ہی آس پاس ہوں میں

خود جو اپنی اساس ہوں میں

جو حقیقت سے بے خبر ہیں

نزد ان کے قیاس ہوں میں

انس و جاں کے لئے جہاں میں

ہے اگر وہ نواس ہوں میں

اس کے بننے میں منہمک ہوں

ہر بدن کا لباس ہوں میں

فکر اپنے شکم کی کیوں جب

ہر دہن کا گراس ہوں میں

تشنہ کامو ہوں ویسے سوتا

دشت وحشت میں پیاس ہوں میں

چاہے دارالامان میں ہوں

اس جگہ بھی ہراس ہوں میں

قرب حاصل ہے چاندنی کا

جسم سیمیں کی آس ہوں میں

باس پھولوں کی چند لمحے

اپنے تن ہی کی باس ہوں میں

دہر میں میں جہاں جہاں ہوں

انتی ہوں وکاس ہوں میں

جو ہے مرغوب ہر کسی کو

اک وہی تو ولاس ہوں میں

apne hi as pas hun main

khud jo apni asas hun main

jo haqiqat se be khabar hain

nazd un ke qayas hun main

uns-o-jan ke liye jahan mein

hai agar wo nawas hun main

us ke banne mein munhamik hun

har badan ka libas hun main

fikr apne shikam ki kyun jab

har dahan ka giras hun main

tishna kamo hun waise sota

dasht-e-wahshat mein pyas hun main

chahe darulaman mein hun

is jagah bhi hiras hun main

qurb hasil hai chandni ka

jism simin ki as hun main

bas phulon ki chand lamhe

apne tan hi ki bas hun main

dahr mein main jahan jahan hun

anti hun wakus hun main

jo hai marghub har kisi ko

ik wahi to wilus hun main