کیا بتائیں فصل بے خوابی یہاں بوتا ہے کون

کیا بتائیں فصل بے خوابی یہاں بوتا ہے کون

جب در و دیوار جلتے ہوں تو پھر ہوتا ہے کون

تم تو کہتے تھے کہ سب قیدی رہائی پا گئے

پھر پس دیوار زنداں رات بھر روتا ہے کون

بس تری بیچارگی ہم سے نہیں دیکھی گئی

ورنہ ہاتھ آئی ہوئی دولت کو یوں کھوتا ہے کون

کون یہ پاتال سے لے کر ابھرتا ہے مجھے

اتنی تہہ داری سے مجھ پر منکشف ہوتا ہے کون

کوئی بے ترتیبئ کردار کی حد ہے سلیمؔ

داستاں کس کی ہے زیب داستاں ہوتا ہے کون

kya bataen fasl-e-be khwabi yahan bota hai kaun

jab dar-o-diwar jalte hun to phir hota hai kaun

tum to kahte the ke sab qaidi rihai pa gae

phir pas-e-diwar-e-zindan rat bhar rota hai kaun

bas tiri bechargi ham se nahin dekhi gai

warna hath ai hui daulat ko yun khota hai kaun

kaun ye patal se le kar ubharta hai mujhe

itni tah dari se mujh par munkashif hota hai kaun

koi be tartibi-e-kirdar ki had hai salim

dastan kis ki hai zeb-e-dastan hota hai kaun