دل سیماب صفت پھر تجھے زحمت دوں گا

دل سیماب صفت پھر تجھے زحمت دوں گا

دور افتادہ زمینوں کی مسافت دوں گا

اپنے اطراف نیا شہر بساؤں گا کبھی

اور اک شخص کو پھر اس کی حکومت دوں گا

اک دیا نیند کی آغوش میں جلتا ہے کہیں

سلسلہ خواب کا ٹوٹے تو بشارت دوں گا

قصۂ سود و زیاں وقف مدارات ہوا

پھر کسی روز ملاقات کی زحمت دوں گا

میں نے جو لکھ دیا وہ خود ہے گواہی اپنی

جو نہیں لکھا ابھی اس کی بشارت دوں گا

ایک صفحہ کہیں تاریخ میں خالی ہے ابھی

آخری جنگ سے پہلے تمہیں مہلت دوں گا

dil-e-simab sifat phir tujhe zahmat dunga

dur uftada zaminon ki masafat dunga

apne atraf naya shahr basaunga kabhi

aur ik shakhs ko phir us ki hukumat dunga

ik diya nind ki aghosh mein jalta hai kahin

silsila khwab ka tute to basharat dunga

qissa-e-sud-o-ziyan waqf-e-madarat hua

phir kisi roz mulaqat ki zahmat dunga

main ne jo likh diya wo khud hai gawahi apni

jo nahin likha abhi us ki basharat dunga

ek safha kahin tarikh mein khali hai abhi

akhiri jang se pahle tumhen mohlat dunga