چشم بے خواب ہوئی شہر کی ویرانی سے

چشم بے خواب ہوئی شہر کی ویرانی سے

دل اترتا ہی نہیں تخت سلیمانی سے

پہلے تو رات ہی کاٹے سے نہیں کٹتی تھی

اور اب دن بھی گزرتا نہیں آسانی سے

ہم نے اک دوسرے کے عکس کو جب قتل کیا

آئینہ دیکھ رہا تھا ہمیں حیرانی سے

اب کے ہے لب آب ہی مر جائیں گے

پیاس ایسی ہے کہ بجھتی ہی نہیں پانی سے

آنکھ پہچانتی ہے لوٹنے والوں کو مگر

کون پوچھے گا مری بے سر و سامانی سے

یوں ہی دشمن نہیں در آیا مرے آنگن میں

دھوپ کو راہ ملی پیڑ کی عریانی سے

کوئی بھی چیز سلامت نہ رہے گھر میں سلیمؔ

فائدہ کیا ہے بھلا ایسی نگہبانی سے

chashm-e-be khwab hui shahr ki wirani se

dil utarta hi nahin takht-e-sulaimani se

pahle to rat hi kate se nahin katti thi

aur ab din bhi guzarta nahin asani se

ham ne ik dusre ke aks ko jab qatl kiya

aina dekh raha tha hamen hairani se

ab ke hai lab-e-ab hi mar jaenge

pyas aisi hai ke bujhti hi nahin pani se

ankh pahchanti hai lautne walon ko magar

kaun puchhega miri be sar-o-samani se

yun hi dushman nahin dar aya mire angan mein

dhup ko rah mili per ki uryani se

koi bhi chiz salamat na rahe ghar mein salim

faida kya hai bhala aisi nigahbani se