ابھی حیرت زیادہ اور اجالا کم رہے گا

ابھی حیرت زیادہ اور اجالا کم رہے گا

مری وحشت پہ صحرا تنگ ہوتا جا رہا ہے

کہا تو تھا یہ آنگن لا محالہ کم رہے گا

بھلا وہ حسن کس کی دسترس میں آ سکا ہے

کہ ساری عمر بھی لکھیں مقالہ کم رہے گا

بہت سے دکھ تو ایسے بھی دیے تم نے کہ جن کا

مداوا ہو نہیں سکتا ازالہ کم رہے گا

وہ چاندی کا ہو سونے کا ہو یا پھر ہو لہو کا

سلیمؔ اہل ہوس کو ہر نوالہ کم رہے گا

abhi hairat ziyada aur ujala kam rahega

miri wahshat pe sahra tang hota ja raha hai

kaha to tha ye angan la mahala kam rahega

bhala wo husn kis ki dastaras mein a saka hai

ke sari umr bhi likhen maqala kam rahega

bahut se dukh to aise bhi diye tum ne ke jin ka

mudawa ho nahin sakta izala kam rahega

wo chandi ka ho sone ka ho ya phir ho lahu ka

salim ahl-e-hawas ko har nawala kam rahega