چراغ یاد کی لو ہم سفر کہاں تک ہے

چراغ یاد کی لو ہم سفر کہاں تک ہے

یہ روشنی مری دہلیز پر کہاں تک ہے

بس ایک تم تھے کہ جو دل کا حال جانتے تھے

سو اب تمہیں بھی ہماری خبر کہاں تک ہے

مسافران جنوں گرد ہو گئے لیکن

کھلا نہیں کہ تری رہ گزر کہاں تک ہے

ہر ایک لمحہ بدلتی ہوئی کہانی میں

حکایت غم دل معتبر کہاں تک ہے

زمیں کی آخری حد پر پہنچ کے سوچتا ہوں

یہاں سے موسم دیوار و در کہاں تک ہے

بچھڑنے والوں کو اندازہ ہی نہیں ہوتا

تو ہم سفر ہے مگر ہم سفر کہاں تک ہے

عجیب لوگ ہیں آزادیوں کے مارے ہوئے

قفس میں پوچھتے پھرتے ہیں گھر کہاں تک ہے

charagh yad ki lau ham safar kahan tak hai

ye raushni miri dahliz par kahan tak hai

bas ek tum the ke jo dil ka hal jante the

so ab tumhen bhi hamari khabar kahan tak hai

musafiran-e-junun gard ho gae lekin

khula nahin ke tiri rah guzar kahan tak hai

har ek lamha badalti hui kahani mein

hikayat-e-gham dil motabar kahan tak hai

zamin ki akhiri had par pahunch ke sochta hun

yahan se mausam diwar-o-dar kahan tak hai

bichharne walon ko andaza hi nahin hota

to ham safar hai magar ham safar kahan tak hai

ajib log hain azadiyon ke mare hue

qafas mein puchhte phirte hain ghar kahan tak hai