سراسر نفع تھا لیکن خسارہ جا رہا ہے

سراسر نفع تھا لیکن خسارہ جا رہا ہے

تو کیا جیتی ہوئی بازی کو ہارا جا رہا ہے

سفر آغاز کرنا تھا جہاں سے زندگی کا

ہمیں ان راستوں سے اب گزارا جا رہا ہے

یہ کن کے پاس گروی رکھ دیا ہم نے سمندر

یہ کن لوگوں کو ساحل پر اتارا جا رہا ہے

اسے جو بھی ملا بچ کر نہیں آیا ابھی تک

مگر جو بچ گیا ملنے دوبارہ جا رہا ہے

سلیمؔ اک آخری مضمون باقی تھا کہ چھپنے

مری رسوائی کا تازہ شمارہ جا رہا ہے

sarasar nafa tha lekin khasara ja raha hai

to kya jiti hui bazi ko hara ja raha hai

safar aghaz karna tha jahan se zindagi ka

hamen in raston se ab guzara ja raha hai

ye kin ke pas girwi rakh diya ham ne samundar

ye kin logon ko sahil par utara ja raha hai

use jo bhi mila bach kar nahin aya abhi tak

magar jo bach gaya milne dobara ja raha hai

salim ik akhiri mazmun baqi tha ke chhupne

miri ruswai ka taza shumara ja raha hai