دست دعا کو کاسۂ سائل سمجھتے ہو

دست دعا کو کاسۂ سائل سمجھتے ہو

تم دوست ہو تو کیوں نہیں مشکل سمجھتے ہو

سینے پہ ہاتھ رکھ کے بتاؤ مجھے کہ تم

جو کچھ دھڑک رہا ہے اسے دل سمجھتے ہو

ہر شے کو تم نے فرض کیا اور اس کے بعد

سائے کو اپنا مد مقابل سمجھتے ہو

دریا تمہیں سراب دکھائی دیا اور اب

گرد و غبار راہ کو منزل سمجھتے ہو

خوش فہمیوں کی حد ہے کہ پانی میں ریت پر

جو بھی جگہ ملے اسے ساحل سمجھتے ہو

تنہائی جلوہ گاہ تحیر ہے اور تم

ویرانیوں کے رقص کو محفل سمجھتے ہو

جس نے تمہاری نیند پہ پہرے بٹھا دیئے

اپنی طرف سے تم اسے غافل سمجھتے ہو

dast-e-dua ko kasa-e-sail samajhte ho

tum dost ho to kyun nahin mushkil samajhte ho

sine pe hath rakh ke batao mujhe ke tum

jo kuchh dharak raha hai use dil samajhte ho

har shai ko tum ne farz kiya aur is ke baad

sae ko apna mad-e-muqabil samajhte ho

dariya tumhen sarab dikhai diya aur ab

gard-o-ghubar-e-rah ko manzil samajhte ho

khush fahmiyon ki had hai ke pani mein ret par

jo bhi jagah mile use sahil samajhte ho

tanhai jalwa gah-e-tahayyur hai aur tum

wiraniyon ke raqs ko mahfil samajhte ho

jis ne tumhari nind pe pahre bitha diye

apni taraf se tum use ghafil samajhte ho