وہ آپ کے قریں ہے اسے دیکھنا نہیں

وہ آپ کے قریں ہے اسے دیکھنا نہیں

وہ بھی تو مہ جبیں ہے اسے دیکھنا نہیں

جس گھر میں جاگزیں ہے اسے دیکھنا نہیں

کس کس کا ہم نشیں ہے اسے دیکھنا نہیں

جو سطح پر ہے چیز اسے دیکھنا ہی کیا

جو چیز تہ نشیں ہے اسے دیکھنا نہیں

شاید ترے جمال کو سمت اک نئی ملے

تجھ سے بھی جو حسیں ہے اسے دیکھنا نہیں

دھرتی پہ رینگتے ہوئے دیکھے تو ہوں گے سانپ

جو مار آستیں ہے اسے دیکھنا نہیں

اوپر سے چاق و چست وہ لگتا ضرور ہے

اندر سے وہ حزیں ہے اسے دیکھنا نہیں

رقصاں تھی لب پہ اس کے وہ مسکان دیکھ لی

چیں سے جو پر جبیں ہے اسے دیکھنا نہیں

جو چل دیا کہیں تو اسے مل نہ پائے گا

وہ تو ابھی یہیں ہے اسے دیکھنا نہیں

مانا پسر کپوت ہے لخت جگر تو ہے

یہ سانس واپسیں ہے اسے دیکھنا نہیں

تیرے وجود کی جو کبھی ترجمان تھی

ہاں یہ وہ یاسمیں ہے اسے دیکھنا نہیں

جو خاک سے بنا ہے اسے دیکھتا ہے تو

جو جسم آتشیں ہے اسے دیکھنا نہیں

wo ap ke qarin hai use dekhna nahin

wo bhi to mah jabin hai use dekhna nahin

jis ghar mein jaguzin hai use dekhna nahin

kis kis ka ham nashin hai use dekhna nahin

jo sath par hai chiz use dekhna hi kya

jo chiz tah nashin hai use dekhna nahin

shayad tire jamal ko samt ik nai mile

tujh se bhi jo hasin hai use dekhna nahin

dharti pe rengte hue dekhe to honge sanp

jo mar-e-astin hai use dekhna nahin

upar se chaq-o-chust wo lagta zarur hai

andar se wo hazin hai use dekhna nahin

raqsan thi lab pe us ke wo muskan dekh li

chin se jo par jabin hai use dekhna nahin

jo chal diya kahin to use mil na paega

wo to abhi yahin hai use dekhna nahin

mana pisar kapot hai lakht-e-jigar to hai

ye sans wapasen hai use dekhna nahin

tere wajud ki jo kabhi tarjuman thi

han ye wo yasmin hai use dekhna nahin

jo khak se bana hai use dekhta hai tu

jo jism atishin hai use dekhna nahin