اک گھڑی وصل کی بے وصل ہوئی ہے مجھ میں

اک گھڑی وصل کی بے وصل ہوئی ہے مجھ میں

کس کے آنے کی خبر قتل ہوئی ہے مجھ میں

سانس لینے سے بھی بھرتا نہیں سینے کا خلا

جانے کیا شے ہے جو بے دخل ہوئی ہے مجھ میں

جل اٹھے ہیں سر مژگاں تری خوشبو کے چراغ

اب کے خوابوں کی عجب فصل ہوئی ہے مجھ میں

مجھ سے باہر تو فقط شور ہے تنہائی کا

ورنہ یہ جنگ تو دراصل ہوئی ہے مجھ میں

تو نے دیکھا نہیں اک شخص کے جانے سے سلیمؔ

اس بھرے شہر کی جو شکل ہوئی ہے مجھ میں

ik ghari wasl ki be wasl hui hai mujh mein

kis ke ane ki khabar qatl hui hai mujh mein

sans lene se bhi bharta nahin sine ka khala

jane kya shai hai jo be dakhl hui hai mujh mein

jal uthe hain sar-e-mizhgan tiri khushbu ke charagh

ab ke khwabon ki ajab fasl hui hai mujh mein

mujh se bahar to faqat shor hai tanhai ka

warna ye jang to darasl hui hai mujh mein

tu ne dekha nahin ik shakhs ke jane se salim

is bhare shahr ki jo shakl hui hai mujh mein