کس کی تحویل میں تھے کس کے حوالے ہوئے لوگ

کس کی تحویل میں تھے کس کے حوالے ہوئے لوگ

چشم گریہ میں رہے دل سے نکالے ہوئے لوگ

کب سے راہوں میں تری گرد بنے بیٹھے ہیں

تجھ سے ملنے کے لیے وقت کو ٹالے ہوئے لوگ

کہیں آنکھوں سے چھلکنے نہیں دیتے تجھ کو

کیسے پھرتے ہیں ترے خواب سنبھالے ہوئے لوگ

دامن صبح میں گرتے ہوئے تاروں کی طرح

جل رہے ہیں تری قربت کے اجالے ہوئے لوگ

یا تجھے رکھتے ہیں یا پھر تری خواہش دل میں

ایسے دنیا میں کہاں چاہنے والے ہوئے لوگ

kis ki tahwil mein the kis ke hawale hue log

chashm-e-girya mein rahe dil se nikale hue log

kab se rahon mein tiri gard bane baithe hain

tujh se milne ke liye waqt ko tale hue log

kahin ankhon se chhalakne nahin dete tujh ko

kaise phirte hain tire khwab sambhale hue log

daman-e-subh mein girte hue taron ki tarah

jal rahe hain tiri qurbat ke ujale hue log

ya tujhe rakhte hain ya phir tiri khwahish dil mein

aise duniya mein kahan chahne wale hue log