مہلت نہ ملی خواب کی تعبیر اٹھاتے

مہلت نہ ملی خواب کی تعبیر اٹھاتے

ہم مارے گئے ٹوٹے ہوئے تیر اٹھاتے

مامور تھیں سورج کی گواہی پہ ہوائیں

پھر سائے کہاں دھوپ کی جاگیر اٹھاتے

تجھ تک بھی پہنچنے کے لیے وقت نہیں تھا

کب دولت دنیا ترے رہگیر اٹھاتے

بس ایک ہی خواہش سر مقتل ہمیں یاد آئی

زنداں سے نکلتے ہوئے زنجیر اٹھاتے

اس وقت بھی ہاتھوں نے قلم کو نہیں چھوڑا

جب ان پہ ضروری تھا کہ شمشیر اٹھاتے

ہم لوگ سلیمؔ اصل سے کٹ کر نہیں جیتے

کیا سوچ کے آخر کوئی تصویر اٹھاتے

mohlat na mili khwab ki taabir uthate

ham mare gae tute hue tir uthate

mamur thin suraj ki gawahi pe hawaen

phir sae kahan dhup ki jagir uthate

tujh tak bhi pahunchne ke liye waqt nahin tha

kab daulat-e-duniya tire rahgir uthate

bas ek hi khwahish sar-e-maqtal hamen yad ai

zindan se nikalte hue zanjir uthate

is waqt bhi hathon ne qalam ko nahin chhora

jab un pe zaruri tha ke shamshir uthate

ham log salim asl se kat kar nahin jite

kya soch ke akhir koi taswir uthate