کبھی موسم ساتھ نہیں دیتے کبھی بیل منڈیر نہیں چڑھتی

کبھی موسم ساتھ نہیں دیتے کبھی بیل منڈیر نہیں چڑھتی

لیکن یہاں وقت بدلنے میں ایسی کوئی دیر نہیں لگتی

کہیں اندر بزم سجائے ہوئے کہیں باہر خود کو چھپائے ہوئے

ترے ذکر کا کام نہیں رکتا تری یاد کی عمر نہیں ڈھلتی

اک خواب نما تمثیل کا دھندلا عکس ہے آئینہ خانے میں

وہ حسن دکھائی نہیں دیتا اور پھر بھی نگاہ نہیں ہٹتی

کئی صدیاں بیت گئیں مجھ میں ترے قرب کی بے لذت رت میں

مرا جسم نماز کا عادی ہے مری روح نماز نہیں پڑھتی

kabhi mausam sath nahin dete kabhi bel munder nahin charhti

lekin yahan waqt badalne mein aisi koi der nahin lagti

kahin andar bazm sajae hue kahin bahar khud ko chhupae hue

tire zikr ka kam nahin rukta tiri yad ki umr nahin dhalti

ik khwab numa tamsil ka dhundla aks hai aina khane mein

wo husn dikhai nahin deta aur phir bhi nigah nahin hatti

kai sadiyan bit gain mujh mein tire qurb ki be lazzat rut mein

mira jism namaz ka adi hai miri ruh namaz nahin parhti