اے شب ہجر اب مجھے صبح وصال چاہئے

اے شب ہجر اب مجھے صبح وصال چاہئے

تازہ غزل کے واسطے تازہ خیال چاہئے

اے مرے چارہ گر ترے بس میں نہیں معاملہ

صورت حال کے لیے واقف حال چاہئے

اہل خرد کو آج بھی اپنے یقین کے لیے

جس کی مثال ہی نہیں اس کی مثال چاہئے

اس کی رفاقتوں کا ہجر جھیلئے کب تلک سلیمؔ

اپنی طرح سے اب مجھے وہ بھی نڈھال چاہئے

ai shab-e-hijr ab mujhe subh-e-wisal chahiye

taza ghazal ke waste taza khayal chahiye

ai mire chara gar tire bas mein nahin muamla

surat-e-hal ke liye waqif-e-hal chahiye

ahl-e-khirad ko aj bhi apne yaqin ke liye

jis ki misal hi nahin us ki misal chahiye

us ki rifaqaton ka hijr jheliye kab talak salim

apni tarah se ab mujhe wo bhi nidhal chahiye