میں اسے تجھ سے ملا دیتا مگر دل میرے

میں اسے تجھ سے ملا دیتا مگر دل میرے

میرے کچھ کام نہیں آئے وسائل میرے

وہ جنوں خیز مسافت تھی کہ دیکھا ہی نہیں

عمر بھر پاؤں سے لپٹی رہی منزل میرے

تو ملا ہے تو نکل آئے ہیں دشمن سارے

وقت کس کس کو اٹھا لایا مقابل میرے

ابر گریہ نے وہ طوفان اٹھائے اب کے

میرے دریاؤں کو کم پڑ گئے ساحل میرے

جتنا حل کرتا ہوں اتنا ہی بگڑ جاتے ہیں

تو نہیں جانتا اے دوست مسائل میرے

عشق میں ہار کے معنی ہی بدل جاتے ہیں

تجھ کو معلوم نہیں ہے ابھی قاتل میرے

بے انت سفر میرا مقدر ہے سلیمؔ

مجھ میں طے کرتا ہے یہ کون مراحل میرے

main use tujh se mila deta magar dil mere

mere kuchh kam nahin ae wasail mere

wo junun khez masafat thi ke dekha hi nahin

umr bhar paon se lipti rahi manzil mere

tu mila hai to nikal ae hain dushman sare

waqt kis kis ko utha laya muqabil mere

abr-e-girya ne wo tufan uthae ab ke

mere dariyaon ko kam par gae sahil mere

jitna hal karta hun itna hi bigar jate hain

to nahin janta ai dost masail mere

ishq mein har ke maani hi badal jate hain

tujh ko maalum nahin hai abhi qatil mere

be ant safar mera muqaddar hai salim

mujh mein tai karta hai ye kaun marahil mere