نہ اس طرح کوئی آیا ہے اور نہ آتا ہے

نہ اس طرح کوئی آیا ہے اور نہ آتا ہے

مگر وہ ہے کہ مسلسل دیئے جلاتا ہے

کبھی سفر کبھی رخت سفر گنواتا ہے

پھر اس کے بعد کوئی راستہ بناتا ہے

یہ لوگ عشق میں سچے نہیں ہیں ورنہ ہجر

نہ ابتدا نہ کہیں انتہا میں آتا ہے

یہ کون ہے جو دکھائی نہیں دیا اب تک

اور ایک عمر سے اپنی طرف بلاتا ہے

وہ کون تھا میں جسے راستے میں چھوڑ آیا

یہ کون ہے جو مرے ساتھ ساتھ آتا ہے

وہی تسلسل اوقات توڑ دے گا کہ جو

در افق پہ شب و روز کو ملاتا ہے

جو آسمان سے راتیں اتارتا ہے سلیمؔ

وہی زمیں سے کبھی آفتاب اٹھاتا ہے

na is tarah koi aya hai aur na ata hai

magar wo hai ke musalsal diye jalata hai

kabhi safar kabhi rakht-e-safar ganwata hai

phir is ke baad koi rasta banata hai

ye log ishq mein sachche nahin hain warna hijr

na ibtida na kahin intiha mein ata hai

ye kaun hai jo dikhai nahin diya ab tak

aur ek umr se apni taraf bulata hai

wo kaun tha main jise raste mein chhor aya

ye kaun hai jo mire sath sath ata hai

wahi tasalsul auqat tor dega ke jo

dar-e-ufuq pe shab-o-roz ko milata hai

jo asman se raten utarta hai salim

wahi zamin se kabhi aftab uthata hai