اب فیصلہ کرنے کی اجازت دی جائے

اب فیصلہ کرنے کی اجازت دی جائے

یا پھر ہمیں منزل کی بشارت دی جائے

ہم کو سر بازار یہ عزت دی جائے

پھر گرد مہ و سال میں اٹ جائیں گے

آئینہ بنایا ہے تو صورت دی جائے

اصرار ہی کرتے ہو تو اپنا سمجھو

دینا ہی اگر ہے تو محبت دی جائے

وہ جس نے مجھے قتل پہ اکسایا تھا

اس شخص سے ملنے کی بھی مہلت دی جائے

جب میری گواہی بھی مرے حق میں نہیں

پھر شہر میں کس کس کی شہادت دی جائے

ہم جاگتے رہنے کے بہت عادی ہیں

ہم کو شب ہجراں کی مسافت دی جائے

چھڑ جائے تو طبقات کی اب جنگ سلیمؔ

کچھ بھی ہو مگر ہم کو نہ زحمت دی جائے

ab faisla karne ki ijazat di jae

ya phir hamen manzil ki basharat di jae

ham ko sar bazar ye izzat di jae

phir gard-e-mah-o-sal mein at jaenge

aina banaya hai to surat di jae

israr hi karte ho to apna samjho

dena hi agar hai to mohabbat di jae

wo jis ne mujhe qatl pe uksaya tha

us shakhs se milne ki bhi mohlat di jae

jab meri gawahi bhi mire haq mein nahin

phir shahr mein kis kis ki shahadat di jae

ham jagte rahne ke bahut adi hain

ham ko shab hijran ki masafat di jae

chhir jae to tabqat ki ab jang salim

kuchh bhi ho magar ham ko na zahmat di jae