تو سورج ہے تیری طرف دیکھا نہیں جا سکتا

تو سورج ہے تیری طرف دیکھا نہیں جا سکتا

لیکن دیکھنے والوں کو روکا نہیں جا سکتا

اب جو لہر ہے پل بھر بعد نہیں ہوگی یعنی

اک دریا میں دوسری بار اترا نہیں جا سکتا

اب بھی وقت ہے اپنی روش تبدیل کرو ورنہ

جو کچھ ہونے والا ہے سوچا نہیں جا سکتا

اس کی گلی میں جانے سے اسے ملنے سے خود کو

روکا جا سکتا ہے پر روکا نہیں جا سکتا

کسی کو چاہت اور کسی کو نفرت مارتی ہے

کوئی بھی ہو اسے مرتے تو دیکھا نہیں جا سکتا

ایک طرف ترے حسن کی حیرت ایک طرف دنیا

اور دنیا میں دیر تلک ٹھہرا نہیں جا سکتا

tu suraj hai teri taraf dekha nahin ja sakta

lekin dekhne walon ko roka nahin ja sakta

ab jo lahr hai pal bhar baad nahin hogi yaani

ik dariya mein dusri bar utra nahin ja sakta

ab bhi waqt hai apni rawish tabdil karo warna

jo kuchh hone wala hai socha nahin ja sakta

us ki gali mein jane se use milne se khud ko

roka ja sakta hai par roka nahin ja sakta

kisi ko chahat aur kisi ko nafrat marti hai

koi bhi ho use marte to dekha nahin ja sakta

ek taraf tire husn ki hairat ek taraf duniya

aur duniya mein der talak thahra nahin ja sakta