وہاں محفل نہ سجائی جہاں خلوت نہیں کی

وہاں محفل نہ سجائی جہاں خلوت نہیں کی

اس کو سوچا ہی نہیں جس سے محبت نہیں کی

اب کے بھی تیرے لیے جاں سے گزر جائیں گے ہم

ہم نے پہلے بھی محبت میں سیاست نہیں کی

تم سے کیا وعدہ خلافی کی شکایت کرتے

تم نے تو لوٹ کے آنے کی بھی زحمت نہیں کی

دھڑکنیں سینے سے آنکھوں میں سمٹ آئی تھیں

وہ بھی خاموش تھا ہم نے بھی وضاحت نہیں کی

رات کو رات ہی اس بار کہا ہے ہم نے

ہم نے اس بار بھی توہین عدالت نہیں کی

گرد آئینہ ہٹائی ہے کہ سچائی کھلے

ورنہ تم جانتے ہو ہم نے بغاوت نہیں کی

بس ہمیں عشق کی آشقتہ سری کھینچتی ہے

رزق کے واسطے ہم نے کبھی ہجرت نہیں کی

آ ذرا دیکھ لیں دنیا کو بھی کس حال میں ہے

کئی دن ہو گئے دشمن کی زیارت نہیں کی

تم نے سب کچھ کیا انسان کی عزت نہیں کی

کیا ہوا وقت نے جو تم سے رعایت نہیں کی

wahan mahfil na sajai jahan khalwat nahin ki

us ko socha hi nahin jis se mohabbat nahin ki

ab ke bhi tere liye jan se guzar jaenge ham

ham ne pahle bhi mohabbat mein siyasat nahin ki

tum se kya waada khilafi ki shikayat karte

tum ne to laut ke ane ki bhi zahmat nahin ki

dharkanen sine se ankhon mein simat ai thin

wo bhi khamosh tha ham ne bhi wazahat nahin ki

rat ko rat hi is bar kaha hai ham ne

ham ne is bar bhi tauhin-e-adalat nahin ki

gard aina hatai hai ke sachchai khule

warna tum jante ho ham ne baghawat nahin ki

bas hamen ishq ki ashqata siri khinchti hai

rizq ke waste ham ne kabhi hijrat nahin ki

a zara dekh len duniya ko bhi kis hal mein hai

kai din ho gae dushman ki ziyarat nahin ki

tum ne sab kuchh kiya insan ki izzat nahin ki

kya hua waqt ne jo tum se riayat nahin ki