تم نے سچ بولنے کی جرأت کی

تم نے سچ بولنے کی جرأت کی

یہ بھی توہین ہے عدالت کی

منزلیں راستوں کی دھول ہوئیں

پوچھتے کیا ہو تم مسافت کی

اپنا زاد سفر بھی چھوڑ گئے

جانے والوں نے کتنی عجلت کی

میں جہاں قتل ہو رہا ہوں وہاں

میرے اجداد نے حکومت کی

پہلے مجھ سے جدا ہوا اور پھر

عکس نے آئینے سے ہجرت کی

میری آنکھوں پہ اس نے ہاتھ رکھا

اور اک خواب کی مہورت کی

اتنا مشکل نہیں تجھے پانا

اک گھڑی چاہیئے ہے فرصت کی

ہم نے تو خود سے انتقام لیا

تم نے کیا سوچ کر محبت کی

کون کس کے لیے تباہ ہوا

کیا ضرورت ہے اس وضاحت کی

عشق جس سے نہ ہو سکا اس نے

شاعری میں عجب سیاست کی

یاد آئی تو ہے شناخت مگر

انتہا ہو گئی ہے غفلت کی

ہم وہاں پہلے رہ چکے ہیں سلیمؔ

تم نے جس دل میں اب سکونت کی

tum ne sach bolne ki jurat ki

ye bhi tauhin hai adalat ki

manzilen raston ki dhul huin

puchhte kya ho tum masafat ki

apna zad-e-safar bhi chhor gae

jane walon ne kitni ujlat ki

main jahan qatl ho raha hun wahan

mere ajdad ne hukumat ki

pahle mujh se juda hua aur phir

aks ne aine se hijrat ki

meri ankhon pe us ne hath rakha

aur ik khwab ki mehorut ki

itna mushkil nahin tujhe pana

ik ghari chahiye hai fursat ki

ham ne to khud se intiqam liya

tum ne kya soch kar mohabbat ki

kaun kis ke liye tabah hua

kya zarurat hai is wazahat ki

ishq jis se na ho saka us ne

shayari mein ajab siyasat ki

yad ai to hai shanakht magar

intiha ho gai hai ghaflat ki

ham wahan pahle rah chuke hain salim

tum ne jis dil mein ab sukunat ki