کیا جانیں تری امت کس حال کو پہنچے گی

کیا جانیں تری امت کس حال کو پہنچے گی

بڑھتی چلی جاتی ہے تعداد اماموں کی

ہر گوشۂ مغرب میں ہر خطۂ مشرق میں

تشریح دگرگوں ہے اب تیرے پیاموں کی

وہ لوگ جنہیں کل تک دعویٰ تھا رفاقت کا

تذلیل پہ اترے ہیں اپنوں ہی کے ناموں کی

بگڑے ہوئے تیور ہیں نو عمر سیاست کے

بپھری ہوئی سانسیں ہیں نو مشق نظاموں کی

طبقوں سے نکل کر ہم فرقوں میں نہ بٹ جائیں

بن کر نہ بگڑ جائے تقدیر غلاموں کی

kya janen tiri ummat kis hal ko pahunchegi

barhti chali jati hai taadad imamon ki

har gosha-e-maghrib mein har khitta-e-mashriq mein

tashrih digargun hai ab tere payamon ki

wo log jinhen kal tak daawa tha rifaqat ka

tazlil pe utre hain apnon hi ke namon ki

bigre hue tewar hain nau umr siyasat ke

biphri hui sansen hain nau mashq nizamon ki

tabqon se nikal kar ham farqon mein na bat jaen

ban kar na bigar jae taqdir ghulamon ki