یہ زمیں کس قدر سجائی گئی

یہ زمیں کس قدر سجائی گئی

زندگی کی تڑپ بڑھائی گئی

آئنے سے بگڑ کے بیٹھ گئے

جن کی صورت جنہیں دکھائی گئی

دشمنوں ہی سے بھی تو نبھ جائے

دوستوں سے تو آشنائی گئی

نسل در نسل انتظار رہا

قصر ٹوٹے نہ بے نوائی گئی

زندگی کا نصیب کیا کہئے

ایک سیتا تھی جو ستائی گئی

ہم نہ اوتار تھے نہ پیغمبر

کیوں یہ عظمت ہمیں دلائی گئی

موت پائی صلیب پر ہم نے

عمر بن باس میں بتائی گئی

ye zamin kis qadar sajai gai

zindagi ki tarap barhai gai

aine se bigar ke baith gae

jin ki surat jinhen dikhai gai

dushmanon hi se bhi to nibh jae

doston se to ashnai gai

nasl dar nasl intizar raha

qasr tute na be nawai gai

zindagi ka nasib kya kahiye

ek saita thi jo satai gai

ham na autar the na paighambar

kyun ye azmat hamen dilai gai

maut pai salib par ham ne

umr ban bas mein batai gai