اس طرف سے گزرے تھے قافلے بہاروں کے

اس طرف سے گزرے تھے قافلے بہاروں کے

آج تک سلگتے ہیں زخم رہ گزاروں کے

خلوتوں کے شیدائی خلوتوں میں کھلتے ہیں

ہم سے پوچھ کر دیکھو راز پردہ داروں کے

گیسوؤں کی چھاؤں میں دل نواز چہرے ہیں

یا حسیں دھندلکوں میں پھول ہیں بہاروں کے

پہلے ہنس کے ملتے ہیں پھر نظر چراتے ہیں

آشنا صفت ہیں لوگ اجنبی دیاروں کے

تم نے صرف چاہا ہے ہم نے چھو کے دیکھے ہیں

پیرہن گھٹاؤں کے جسم برق پاروں کے

شغل مے پرستی گو جشن نامرادی تھا

یوں بھی کٹ گئے کچھ دن تیرے سوگواروں کے

is taraf se guzre the qafile baharon ke

aj tak sulagte hain zakhm rah guzaron ke

khalwaton ke shaidai khalwaton mein khulte hain

ham se puchh kar dekho raz parda daron ke

gesuon ki chhaon mein dil nawaz chehre hain

ya hasin dhundalkon mein phul hain baharon ke

pahle hans ke milte hain phir nazar churate hain

ashna sifat hain log ajnabi dayaron ke

tum ne sirf chaha hai ham ne chhu ke dekhe hain

pairahan ghataon ke jism barq paron ke

shaghl-e-mai parasti go jashn-e-namuradi tha

yun bhi kat gae kuchh din tere sogwaron ke