میں زندہ ہوں یہ مشتہر کیجیے

میں زندہ ہوں یہ مشتہر کیجیے

مرے قاتلوں کو خبر کیجیے

زمیں سخت ہے آسماں دور ہے

بسر ہو سکے تو بسر کیجیے

ستم کے بہت سے ہیں رد عمل

ضروری نہیں چشم تر کیجیے

وہی ظلم بار دگر ہے تو پھر

وہی جرم بار دگر کیجیے

قفس توڑنا بعد کی بات ہے

ابھی خواہش بال و پر کیجیے

main zinda hun ye mushtahar kijiye

mire qatilon ko khabar kijiye

zamin sakht hai asman dur hai

basar ho sake to basar kijiye

sitam ke bahut se hain rad-e-amal

zaruri nahin chashm-e-tar kijiye

wahi zulm bar-e-digar hai to phir

wahi jurm bar-e-digar kijiye

qafas torna baad ki bat hai

abhi khwahish-e-bal-o-par kijiye