پربتوں کے پیڑوں پر شام کا بسیرا ہے

پربتوں کے پیڑوں پر شام کا بسیرا ہے

سرمئی اجالا ہے چمپئی اندھیرا ہے

دونوں وقت ملتے ہیں دو دلوں کی صورت سے

آسماں نے خوش ہو کر رنگ سا بکھیرا ہے

ٹھہرے ٹھہرے پانی میں گیت سرسراتے ہیں

بھیگے بھیگے جھونکوں میں خوشبوؤں کا ڈیرا ہے

کیوں نہ جذب ہو جائیں اس حسیں نظارے میں

روشنی کا جھرمٹ ہے مستیوں کا گھیرا ہے

parbaton ke peron par sham ka basera hai

surmai ujala hai champai andhera hai

donon waqt milte hain do dilon ki surat se

asman ne khush ho kar rang sa bikhera hai

thahre thahre pani mein git sirasrate hain

bhige bhige jhonkon mein khushbuon ka dera hai

kyun na jazb ho jaen is hasin nazare mein

raushni ka jhurmut hai mastiyon ka ghera hai