شرما کے یوں نہ دیکھ ادا کے مقام سے

شرما کے یوں نہ دیکھ ادا کے مقام سے

اب بات بڑھ چکی ہے حیا کے مقام سے

تصویر کھینچ لی ہے ترے شوخ حسن کی

میری نظر نے آج خطا کے مقام سے

دنیا کو بھول کر مری بانہوں میں جھول جا

آواز دے رہا ہوں وفا کے مقام سے

دل کے معاملے میں نتیجے کی فکر کیا

آگے ہے عشق جرم و سزا کے مقام سے

sharma ke yun na dekh ada ke maqam se

ab bat barh chuki hai haya ke maqam se

taswir khinch li hai tire shokh husn ki

meri nazar ne aj khata ke maqam se

duniya ko bhul kar miri banhon mein jhul ja

awaz de raha hun wafa ke maqam se

dil ke muamle mein natije ki fikr kya

age hai ishq jurm-o-saza ke maqam se