صدیوں سے انسان یہ سنتا آیا ہے

صدیوں سے انسان یہ سنتا آیا ہے

دکھ کی دھوپ کے آگے سکھ کا سایا ہے

ہم کو ان سستی خوشیوں کا لوبھ نہ دو

ہم نے سوچ سمجھ کر غم اپنایا ہے

جھوٹ تو قاتل ٹھہرا اس کا کیا رونا

سچ نے بھی انساں کا خوں بہایا ہے

پیدائش کے دن سے موت کی زد میں ہیں

اس مقتل میں کون ہمیں لے آیا ہے

اول اول جس دل نے برباد کیا

آخر آخر وہ دل ہی کام آیا ہے

اتنے دن احسان کیا دیوانوں پر

جتنے دن لوگوں نے ساتھ نبھایا ہے

sadiyon se insan ye sunta aya hai

dukh ki dhup ke age sukh ka saya hai

ham ko un sasti khushiyon ka lobh na do

ham ne soch samajh kar gham apnaya hai

jhut to qatil thahra us ka kya rona

sach ne bhi insan ka khun bahaya hai

paidaish ke din se maut ki zad mein hain

is maqtal mein kaun hamen le aya hai

awwal awwal jis dil ne barbad kya

akhir akhir wo dil hi kam aya hai

itne din ehsan kya diwanon par

jitne din logon ne sath nibhaya hai