جرم الفت پہ ہمیں لوگ سزا دیتے ہیں

جرم الفت پہ ہمیں لوگ سزا دیتے ہیں

کیسے نادان ہیں شعلوں کو ہوا دیتے ہیں

ہم سے دیوانے کہیں ترک وفا کرتے ہیں

جان جائے کہ رہے بات نبھا دیتے ہیں

آپ دولت کے ترازو میں دلوں کو تولیں

ہم محبت سے محبت کا صلہ دیتے ہیں

تخت کیا چیز ہے اور لعل و جواہر کیا ہیں

عشق والے تو خدائی بھی لٹا دیتے ہیں

ہم نے دل دے بھی دیا عہد وفا لے بھی لیا

آپ اب شوق سے دے لیں جو سزا دیتے ہیں

jurm-e-ulfat pe hamen log saza dete hain

kaise nadan hain sholon ko hua dete hain

ham se diwane kahin tark-e-wafa karte hain

jan jae ke rahe bat nibha dete hain

ap daulat ke tarazu mein dilon ko tolen

ham mohabbat se mohabbat ka sila dete hain

takht kya chiz hai aur laal-o-jawahir kya hain

ishq wale to khudai bhi luta dete hain

ham ne dil de bhi diya ahd-e-wafa le bhi liya

ap ab shauq se de len jo saza dete hain