اتنی حسین اتنی جواں رات کیا کریں

اتنی حسین اتنی جواں رات کیا کریں

جاگے ہیں کچھ عجیب سے جذبات کیا کریں

پیڑوں کے بازوؤں میں مہکتی ہے چاندنی

بے چین ہو رہے ہیں خیالات کیا کریں

سانسوں میں گھل رہی ہے کسی سانس کی مہک

دامن کو چھو رہا ہے کوئی ہات کیا کریں

شاید تمہارے آنے سے یہ بھید کھل سکے

حیران ہیں کہ آج نئی بات کیا کریں

itni hasin itni jawan rat kya karen

jage hain kuchh ajib se jazbat kya karen

peron ke bazuon mein mahakti hai chandni

be chain ho rahe hain khayalat kya karen

sanson mein ghul rahi hai kisi sans ki mahak

daman ko chhu raha hai koi hat kya karen

shayad tumhare ane se ye bhed khul sake

hairan hain ke aj nai bat kya karen