ہوس نصیب نظر کو کہیں قرار نہیں

ہوس نصیب نظر کو کہیں قرار نہیں

میں منتظر ہوں مگر تیرا انتظار نہیں

ہمیں سے رنگ گلستاں ہمیں سے رنگ بہار

ہمیں کو نظم گلستاں پہ اختیار نہیں

ابھی نہ چھیڑ محبت کے گیت اے مطرب

ابھی حیات کا ماحول خوش گوار نہیں

تمہارے عہد وفا کو میں عہد کیا سمجھوں

مجھے خود اپنی محبت پہ اعتبار نہیں

نہ جانے کتنے گلے اس میں مضطرب ہیں ندیم

وہ ایک دل جو کسی کا گلہ گزار نہیں

گریز کا نہیں قائل حیات سے لیکن

جو سچ کہوں کہ مجھے موت ناگوار نہیں

یہ کس مقام پہ پہنچا دیا زمانے نے

کہ اب حیات پہ تیرا بھی اختیار نہیں

hawas nasib nazar ko kahin qarar nahin

main muntazir hun magar tera intizar nahin

hamen se rang-e-gulistan hamen se rang-e-bahar

hamen ko nazm-e-gulistan pe ikhtiyar nahin

abhi na chher mohabbat ke git ai mutrib

abhi hayat ka mahaul khush gawar nahin

tumhare ahd-e-wafa ko main ahd kya samjhun

mujhe khud apni mohabbat pe etibar nahin

na jane kitne gale is mein muztarib hain nadim

wo ek dil jo kisi ka gila guzar nahin

gurez ka nahin qail hayat se lekin

jo sach kahun ke mujhe maut nagawar nahin

ye kis maqam pe pahuncha diya zamane ne

ke ab hayat pe tera bhi ikhtiyar nahin