محبت ترک کی میں نے گریباں سی لیا میں نے

محبت ترک کی میں نے گریباں سی لیا میں نے

زمانے اب تو خوش ہو زہر یہ بھی پی لیا میں نے

ابھی زندہ ہوں لیکن سوچتا رہتا ہوں خلوت میں

کہ اب تک کس تمنا کے سہارے جی لیا میں نے

انہیں اپنا نہیں سکتا مگر اتنا بھی کیا کم ہے

کہ کچھ مدت حسیں خوابوں میں کھو کر جی لیا میں نے

بس اب تو دامن دل چھوڑ دو بے کار امیدو

بہت دکھ سہہ لیے میں نے بہت دن جی لیا میں نے

mohabbat tark ki main ne gareban si liya main ne

zamane ab to khush ho zahr ye bhi pi liya main ne

abhi zinda hun lekin sochta rahta hun khalwat mein

ke ab tak kis tamanna ke sahare ji liya main ne

unhen apna nahin sakta magar itna bhi kya kam hai

ke kuchh muddat hasin khwabon mein kho kar ji liya main ne

bas ab to daman-e-dil chhor do be kar ummido

bahut dukh sah liye main ne bahut din ji liya main ne