ملتی ہے زندگی میں محبت کبھی کبھی

ملتی ہے زندگی میں محبت کبھی کبھی

ہوتی ہے دلبروں کی عنایت کبھی کبھی

شرما کے منہ نہ پھیر نظر کے سوال پر

لاتی ہے ایسے موڑ پہ قسمت کبھی کبھی

کھلتے نہیں ہیں روز دریچے بہار کے

آتی ہے جان من یہ قیامت کبھی کبھی

تنہا نہ کٹ سکیں گے جوانی کے راستے

پیش آئے گی کسی کی ضرورت کبھی کبھی

پھر کھو نہ جائیں ہم کہیں دنیا کی بھیڑ میں

ملتی ہے پاس آنے کی مہلت کبھی کبھی

milti hai zindagi mein mohabbat kabhi kabhi

hoti hai dilbaron ki inayat kabhi kabhi

sharma ke munh na pher nazar ke sawal par

lati hai aise mor pe qismat kabhi kabhi

khulte nahin hain roz dariche bahar ke

ati hai jan-e-man ye qayamat kabhi kabhi

tanha na kat sakenge jawani ke raste

pesh aegi kisi ki zarurat kabhi kabhi

phir kho na jaen ham kahin duniya ki bhir mein

milti hai pas ane ki mohlat kabhi kabhi