تم اپنا رنج و غم اپنی پریشانی مجھے دے دو

تم اپنا رنج و غم اپنی پریشانی مجھے دے دو

تمہیں غم کی قسم اس دل کی ویرانی مجھے دے دو

یہ مانا میں کسی قابل نہیں ہوں ان نگاہوں میں

برا کیا ہے اگر یہ دکھ یہ حیرانی مجھے دے دو

میں دیکھوں تو سہی دنیا تمہیں کیسے ستاتی ہے

کوئی دن کے لئے اپنی نگہبانی مجھے دے دو

وہ دل جو میں نے مانگا تھا مگر غیروں نے پایا ہے

بڑی شے ہے اگر اس کی پشیمانی مجھے دے دو

tum apna ranj-o-gham apni pareshani mujhe de do

tumhen gham ki qasam is dil ki wirani mujhe de do

ye mana mein kisi qabil nahin hun un nigahon mein

bura kya hai agar ye dukh ye hairani mujhe de do

main dekhun to sahi duniya tumhen kaise satati hai

koi din ke liye apni nigahbani mujhe de do

wo dil jo main ne manga tha magar ghairon ne paya hai

bari shai hai agar us ki pashemani mujhe de do